کڵپەنیوز:
ڕۆژی 27ـی ئایاری 2023، هێزەکانی لیوای 22ـی سەربە وەزارەتی پێشمەرگە بەهاوبەشی لەگەڵ هێزکانی لیوای 31ـی سوپای عێراق، ئۆپەڕاسیۆنێکیان لەناوچەی قەرەحەسەن ئەنجامدا.
ڕۆژی 27ـی ئایاری 2023، هێزەکانی لیوای 22ـی سەربە وەزارەتی پێشمەرگە بەهاوبەشی لەگەڵ هێزکانی لیوای 31ـی سوپای عێراق، ئۆپەڕاسیۆنێکیان لەناوچەی قەرەحەسەن ئەنجامدا.
ئۆپەڕاسیۆنەکە ماوەی دوو ڕۆژی خایاند و لەیەکەم ڕۆژدا هێزی پێشمەرگە توانی بەبێ هیچ زیانێک، هەریەکە لەگوندەکانی (خدربەگ و فەرقان و پەڵکانە و سیامەند سور) کێوماڵ بکەن.
لەدووەم ڕۆژی ئۆپەڕاسیۆنەکەدا، پێشمەرگە توانی گوندەکانی (شۆڕیجە و حەسەن خان و چیمەن و باوا)، بەبێ زیان کێوماڵ بکات و لە بازگەی (خدربوڵاغ)یش لەلایەن نوێنەری فەرماندەی بارەگای پێشکەوتووی ژووری ئۆپەڕاسیۆنه هاوبەشەکانی کەرکوکەوە پێشوازی لەعەمید محمد عەبدوڵڵا ئەحمەد، فەرماندەی لیوای 22ـی وەزارەتی پێشمەرگە کرا و لەکۆبوونەوەیەکیش دا باس لەسەرکەوتنی ئۆپەڕاسیۆنەکە کرا.
هاوکات فەرماندەی بارەگای پێشکەوتووی ژووری ئۆپەڕاسیۆنە هاوبەشەکانی کەرکوک، سوپاس و دەستخۆشی ئاراستەی هێزەکانی پێشمەرگە کرد، لەبەرامبەر ئەنجامدانی ئۆپەڕاسیۆنەکە بەشێوەیەکی سەرکەوتوو.
