کڵپەنیوز-ناوەندی هەواڵ:
ئەمڕۆ لەبەغدا دانیشتنێکی تایبەتی پەڕلەمانی عێراق سازکرا و تیایدا یادی ڕاپەڕین بەرز ڕاگیرا و پەڕلەمانیش بەکۆی دەنگ دووبارە دەرگای خۆپاڵاوتنی کردەوە.
شوان محمد ڕۆستەم ئەندامی فڕاکسیۆنی پارتی لەپەڕلەمانی عێراق بەدەزگای هەواڵی کڵپەی ڕاگەیاند، ئەمڕۆ لەپەڕلەمانی عێراق ھەردوو فراکسیۆنی پارتی و یەکێتی بە بەیاننامەیەکی ھاوبەش یادی ڕاپەڕینی بەھاری ١٩٩١ ی پڕشکۆی گەلەکەمان بەرز نرخاند.
گوتیشی هەر ئەمڕۆ بەئامادەبوونی ٢٦٥ ئەندام پەڕلەمان، کۆبوونەوەی ئەنجومەنی نوێنەران بەڕێوەچوو ، کەتیایدا ٢٠٣ ئەندام دەنگمان دا بە دووبارە کردنەوەی دەرگای خۆکاندید کردن بۆ سەرۆکی کۆماری عێراق ، لەبەرامبەردا ٦٢ ئەندام دەنگیان نەدا.
ئەمڕۆ ٣١ساڵ بەسەر ڕاپەڕینی گەلی کورد لەباشور کوردستان تێدەپەڕێت و لەم یادەش دا کۆمەڵێک کەسایەتی سیاسی و حزبی یادەکەیان بەرز ڕاگرت.
ئـ،و
